YO

暑假小總結:
學結他-略有小成
做運動-都算有打波踩車游水咁
去短宣-人生不能忘記的體驗 深化信仰 識左一班真心好FD既姊妹
選主修-終於正式成為BIO的學生 好期待 希望學到真知識
接補習-未點試過咁樣正式幫人補 每堂都有啲戰戰兢兢 但係好既經驗 知道咩叫教育
做組長-預備未來OCAMPONIGHT週會點樣做好組長嘅角色 唔好變成舊年GE組長咁

好充實 冇虛渡
期待開學 期待上堂
!!!!!!!!!!
--------------------------------------------------------------------
BTW YAHOO BLOG要摺啦
可能你地都唔會寫啦:(
寫既不如轉黎呢個GOOGLE地頭!

夢見...

世上最錐心疾首的事莫過於是
自己從極好的美夢中醒過來才知那是夢
但趕快入睡 要重回那美夢已是不可能
早知 就不要掙開眼啦:(((
害我整天思緒回不了現實
吼:(((

凝眸

本以為自己放下預備辭職的壞心情
但今天上班時遇見的 卻使我重拾那股沉重的感覺
到底那一下凝眸是什麼意思 我不知道
不捨 不為什麼...只為了...
可是 如果不用辭職 我就不會整天計劃 要踏出自己的世界
做人生最勇的一件事
如果 我悄悄的走了 我只會後悔

丫....................啊..................呀............................................

鋼鐵是這樣煉成的

其實成日返到屋企都會反省下自己講野都唔幾小心
好多時想糾正下

今日同桐講話外面GE人都叫我唔好因受浸一事對自己要求太HARSH
其實佢地並唔係指受浸可以求其
一般的返齊教會 崇拜 靈修 當然都要齊啦
只不過係我自己想對聖經有更多更多的認知同理解姐
想係好短時間睇晒佢姐
因為知自己睇得太少
都有同宣教士同師母講過
佢地都係話唔需要咁諗 因為係信而受洗 而唔係話自己識得多先有受洗的資格
神並唔係咁樣睇我地

看重GE唔係受浸前做得幾好 而係有冇決心受浸後做得好好

我又諗到 可能佢 或者好多人都諗自己未準備 未得 等到做好D先啦
但我諗起姊妹見證GE時候講GE一句 係由今日開始為自己做好(全時間事奉)的準備
咁點解我地唔係由今日開始為自己做好受浸的準備呢?
總係係度等 等咩呢?
假若冇做好準備的決心 永遠都冇get ready的一日
我要重拾番當日要做好準備的決心 每日讀經 然後受浸
唯有咁樣 先望到未來受浸的一日
互勉之

至於感動嘛 我相信不是出於事奉
許多人都有事奉 但不見得像我對詩歌那麼敏感
這種突如其來的對聖靈的敏感 使我常常活在主裡
很感恩 是一種恩賜
-------------------------------------------------------------------------------
鋼鐵是怎樣煉成的

從頭熔掉我多災的信仰　鑄造更光更亮　淋過冷水　也等得漫長
隨着每個打擊　我會愈強　最難舌劍唇槍　怎樣武裝　和人言打仗
其實這鋼盔　天天加厚　最後令我　站着亦牽強
我縱是內傷　但強人　哪可休養

我變做了鋼鐵　但未完全勝利　無人晚上會記起
我都想可以脆弱到　彷似瓷器　極易碎那顆心　就如玻璃
我變做了鋼鐵　迄立茫茫戳地　形成最礙眼對比
若我得到常人　戀愛運氣　又哪用鐵金剛　一雙鐵臂

如可強硬到孤單都嚇退　要滴過幾次淚　才夠建築　永生的身軀
然後我掃得低　一支軍隊　先知過去如水　堅毅如此　原來回不去
無奈我有點　迫不得已　發育直到　墜地亦不碎
卻困着肉身　沒人來　也出不去　woo~

我變做了鋼鐵　但未完全勝利　無人晚上會記起
我都想可以脆弱到　彷似瓷器　極易碎那顆心　就如玻璃
我變做了鋼鐵　迄立茫茫戰地　形成最礙眼對比
若我得到常人　戀愛運氣　又哪用我手中　這利器　woo~

我變做了鋼鐵　但為誰人獻技　前無去路至記起
我都想可以脆弱到　彷似瓷器　亮白而無暇　猶像花樽精美
我變做了鋼鐵　每日重臨戰地　眉頭再沒樂與悲
若我得到談情　慢條斯理　讓我用我真身　愛你　以後我貪生　又怕死

早陣子在CHRISTIAN BAND的音樂會上聽到 整個人都崩潰了
或者 我未必是一座孤島 但絕對是鋼鐵
冷酷是外人對我的形容 我清楚 我都好想帶出人親切的感覺 發出基督徒的香氣 但我辦不到
儘管有好朋友在 也不代表什麼
從前我怨朋友不關心 不了解 不著緊自己
後來明白 根本人家的性格就是這樣 改也改不了 也迫不了
明明愛溝通 愛關心 愛進入別人世界的人是我 只不過是倒頭來怨別人辦不到進入我世界
太好強 太喜歡將所有事情放上身 這樣才有安全感
從來信得過的只有自己而已 我連別人的生活都不放心 連別人的事我也拿來擔心
反倒使別人從來不用擔心我 內傷也只有自己為自己療傷
那晚想了想 究竟有誰能令我安心的將所有放下 得到釋放
的確有一個名字浮出來 遺憾的是短短幾個月那人就離開了我世界

所以那天我真的好想好想有一個同路人
不為別的 只為變回脆弱的自己 受傷有人知
天父 一個人 我走不下去

無間道

(好白痴 岩岩先第一次睇無間道)
無間道好正 好正 好正
打破我對警匪片的厭惡(TVB拍太多 電影又拍太多 令人覺得...除左拍警匪你地係咪冇橋啦!)
好緊湊 劇情度得好好 有伏筆 結局又有驚喜
對白又精警
睇完仲係覺得緊張
GREAT!
好少覺得有電影有咁好...

最喜愛既一個位係
劉SIR想做返個好人 但結果佢為求做好人就殺左更多阻住佢做好人GE人
為左做好人而立心不良 仲係咪好人
其實咁樣既話 本質已經唔係好人
佢用既手段 咪又係壞人所為
好矛盾 好有趣

......

返工-->訓覺-->食飯-->結他-->上網-->睇電影-->電視 etc...
好寫意 好輕鬆
有收入又可以任玩
呢個就係SEM BREAK/暑假的生活
好多時都慶幸自己做到大學生 唔係為左沙紙 而係果種專屬我地GE悠閒(SOR 以上言論只適合唔追求first hon既我)

結他易學難精咁
上網教學永遠仲有好多望塵莫及的掃CHORD/敲擊/勾弦方法
但每一日我都FEEL到自己有進步
都已經好開心
而且同媛一齊買結他一齊起步 有同路人
間唔中互相鼓勵下 SO GOOD
深信咁樣日日彈幾個鐘 兩個月後一定略有小成!!!
fighting!


放假都有特登追下王家衛的作品
可能為左知道咩係神枱級的電影
坦白講 佢啲節奏慢到想STOP左佢
但每句對白都有精心度過
每條旗袍都係夾番個MOOD
燈光同背景都好好
所以除左節奏之外 其實一切都好好
唯有要自己較慢番個心情 去欣賞下套電影每個DETAIL
FEEL下個餘韻

呼...

返呢份工其實真係學到好多
只要果個客唔係無理取鬧 佢提出要你改GE POINT都係POINT
又或者
自己都要學識用副好D 既面孔對人
答D 好聽D既答案

但
比人鬧真係會不爽
要面對好多好多唔同性格GE人 比好好既反應真係好難
比人話就會好挫敗
諗好多好多
然後有少少時間變得shamed

所以我明點解咁多隱蔽青年
因為唔慣面對挫敗 覺得係屋企開心D
而基本上返邊一份工都會挫敗
唔摺都唔得啦...

雖然我都係個唔慣被人話GE人
但返工經歷都係學習GE來源既...要加油!!!

吼 為神工作!

當日 有人說我去完短宣 "大想頭左"
不諱言 的確去完短宣 我的確有好多想法想實行
但 這些是大想頭嗎
對於這個詞語 我實在覺得有點負面
好像在說我做些什麼不實際的
所以我想了好一陣子 都在想自己的由衷(其實是我面對負面的形容詞就會啟動戰鬥mode了 根本不需要介懷)

在短宣裡 我學懂的是 做基督徒不單單做好自己 更是踏出一步做多一點點
尚不要說學宣教士般全時候事奉 而是改善這個世界一丁點
恆久向朋友傳福音 多做事奉 都是必要的事
而當我發覺我還是愛自己的教會時 更想教會有進步
許多年時 錦榮做導師時 唱詩就有結他伴奏
同時 燕清也會彈鋼琴伴奏
現在呢...似乎什麼也沒有
當然不是說一定要有什麼音樂才叫敬拜
但我不希望大家的事奉單單停留在領詩(大家的事奉機會其實奇少......唉 好難有進步:(  )
坦白說 聽YOUTUBE帶詩營造不了氣氛 就連強調某些歌詞 重覆chorus也做不到
所以 教會根本沒有怎樣看重唱詩敬拜
而敬拜 正正是我在浸大團契感受最大的一part
因此 我想學音樂 正如秀玉學彈琴才能為崇拜做詩琴
一切 都是我覺得有進步空間 而這種進步對神對我們都是有益的

剛剛在看一本營前靈修書
裡面說到 我們不要將信仰縮成在自己的私人領域裡的事 只在感情層面上實踐
其實我們要成長 在信仰上有根有基 要有改造世界的能力
所以 我知道我在做什麼 視乎大家明不明白我苦衷

(嗯 我不是在罵你 大家討論討論一下好了)

其實我係唔開心

唔知點解
越臨近生日心情就越depressed
果日唱K 其實好怪 因為明明出黎目的唔係慶生日就唔好搞到場面咁
SO我只係貪個蛋糕 連生日歌都CUT埋 因為我唔識面對
但好似呢D怪舉動嚇親丫曾 尤其佢見到我一野吹熄蠟燭

生日前一晚發夢都夢見中學同學 但唔記得我生日
我又裝作咩都唔介意 唔洗人慶祝 唔要人陪食飯

再到正日上午 心情係好好好depressed
某程度上係諗番去年今日的時候
仲要成年都未撞見過suen c
但當日搭LIFT居然就撞到
佢咩都醒唔起...我期待的其實唔係一句生日快樂
而係...一個你仲記得我GE象徵

夜晚有陪足我十年GE朋友慶祝
呢種慶祝唔係D大龍鳳 唔係驚喜
而係擺明居馬
係另一種模式
或者呢種先係細水長流的友誼
因為舊年轟轟烈烈的幫我慶生的人 轉眼就消失了
而佢地 先係唔會消失的人
係呢小小既幾個鐘 安慰返我既弱小心靈
總之 還會記得我就好了:)

其實今年生日唔係諗自己又大一年
而係諗起自己咩朋友都冇晒 唔止四個
唔係有朋友陪慶祝先叫自己有朋友
而係
原本應該會陪伴你既人 已經唔見晒
好難想像 就係當年日日食飯 或者日日上堂傾計GE朋友
一畢業果日 就從此冇聯絡過
係一句都冇...
好心寒 好心痛
但眼見佢地連以往唔熟GE人都會約 當下 我真係冇勇氣去約佢地

就算果晚鈺有講聲 又話約出黎咁
我固然會答應啦 但我心底咪又係當個笑話
一個生日逗我笑GE笑話...

我唔知你地約果班疏到咩咁既朋友出黎聚既時候
有冇一下諗過我地呢班
我唔知你地講生日快樂果時
有冇一下諗過舊年係點過
我淨係知 我到依家仲好down
眼淚停唔到 回憶停唔到

今年 係要過渡的一年
下年 咩事都冇
咩都唔記得

(新按: SORRY 可能所有果幾日生日陪過我 見過我既人都唔覺得我竟然有咁諗
以上既情緒 我只會自己收埋 UM 同埋變做文字
但唔影響我對你地幫我特登慶生/順道慶生 GE感受既
希望唔會嚇親你地:P)

上岸了喔...

對一個乾旱到極點的人來說 身邊朋友上岸實在是個悲涼的消息...
對 對一個受情傷已久的朋友來說這樣幸福地上岸實在開心到不行了
但 對我來說...弱小心靈還是有點受挫...
該替你高興 但每看一字一句還是心在淌血
想起以後沒有朋友可以一起說很DRY 情侶很閃 什麼什麼很帥的...就好像天下剩我一人孤單了
知道你沒有在我面前炫耀 已經是萬幸了...
還是說句 祝你幸福...(哎 你不要想太多 繼續去打你的愛情文行了)

唉...灰到核爆了...
不要說相戀 能夠好好地暗戀一個人也是愛情的滋潤 也是幸福
可是我連暗戀的幸福也找不到呢...

去BU食飯得丫...雖然你上次話嫌遠:P
到你係度睇到GE時候 又過左好耐LU
ANYWAY暑假都係要見見GE

假

好多時想打BLOG
都忘了
到果股情緒冇左 又唔記得要打咩

岩岩睇番上一篇文
岩岩諗起呢輪果股情緒
係丫
我係多左好多圈子
識左好多人
但好疏
當每次聚會好開心
而完左就真係完左的感覺好差
返左屋企唔會有點CONTACT
WTSAPP講埋啲空泛野

由大學到返工
我深信 唔會識到好朋友
對住佢地 我講每一句野都好小心
要諗諗諗...唔知佢地咩反應 唔知佢地點睇我
好單純直接地想搞隻GAG都難

社會就係咁
半隻腳踩入黎就已經係咁

我家姐話 返學唔好拍拖(係丫 用黎安慰我)
傻啦 大學搵唔到 唔通真係等到入社會 識啲假到唔知堅定流的男人咩
ANYWAY 我放棄了
不抱任何期盼或者就會有絕地反擊的希望
OOOOPS....

SEM BREAK

目前為止
呢個SEM BREAK過得好開心

中學同學見左
兩邊教會嘅人都見左
法文同學都玩左

單車BBQPARTY打邊爐CAMP整甜品都做過
幾乎由DAY ONE開始到今日都冇停過 行程爆滿!

當我諗自己進入休息期,又發現有野忙....
就係電腦又爛左!!!
SOOOOO BAD...............要拎去整

可以咁講 今年的朋友圈子突然大左好多
gathering就多左 但又相處得好好
當然美中不足係 大學同系朋友得好少 少得可憐 感情都麻麻
不過除此以外一切都好滿足了

呢個CAMP入面
心裡的掙扎都解決左
唔轉系LU
安安樂樂讀好自己的SCIENCE
走神安排的路

婚禮

昨天 終於出席了國輝的婚禮 一個 一直只聞樓梯響的婚禮
好感慨
其實起初是有一點點不開心
因為結婚似乎證實這位大哥哥的確已遠離我的世界
不再屬於葵興堂 也不再是我的導師
當然 以上的事早就發生了 是我不願接受而已
但 過程中我竟又很喜樂 是因為國輝找到了一個和他合襯的伴侶
兩位同樣很搞笑 整個婚禮都是賓客的笑聲
是神的心意 很貼心的心意:)

婚禮的細節應該都是經細心策劃的
有很漂亮實用的回禮 也有美點招呼
還有很具復古x環保意識的程序紙
更重要的是
無論是團友獻詩 還是幾位的小組合唱
都極高水準
好好好好好聽啊.......繞樑"十"日還行呢

上回定中美莊婚禮 桐嚷著說想和他們影單人合照
今回國輝婚禮 珊也是如此 很想找國輝合照
我當然明白 我何嘗不想?
只是 他們早已遠離我們的世界 很多年了
坦白說 他們在我們心中 佔不輕的位置
是值得記住的好好導師 於我更是良朋好友
但於他們呢 卻是久違的小小團友而已 可能早已面目模糊
我不是說他們不當我們什麼回事 早已遺忘我們 或視我們為陌生人
而是 在這個大婚日子 他們渴望跟其他更親更近的親友影更多更多的合相
而不是我們呢
即使留待到最後...又如何呢...
這個原理 不就跟老師和學生的關係一樣嘛?
好的老師總在學生眼中是寶貴的
有些學生還會頗痴戀他們(e.g 小強/施怡嘛)
可是 學生在他們眼中 是許多人之一
不是說我們不寶貴 而是 他們要面對這樣身份的人太多了 年年如是
有人會說回校探望老師 而我總覺得...見了還不是那樣嘛
老師不見得會很開心 我也不見得會更開心
可能我冷血吧

其實小時候看兩個姐姐的婚禮
丁點兒感動也沒有
純粹是儀式而已
但近來看基督徒的婚禮實在不少
每次的獻詩 賓客合唱 新人分享都是令我為之心有悸動
是 耶和華所定的日子:)
從前的我真的一點兒也不期待自己的婚禮
現在 改變了:)因為這是神給我的福氣 可以擁有一生一世的伴侶 同上天家

小事數宗

1.我唔明點解通常人都係咁黑仔
平時落BID買野就唔出事
家下冇落BID買野就應一應
想比十個負評都唔得!!!!
等左成個星期等快遞都冇
一黎佢就叫我等 再黎叫我自己追
追起快遞公司上黎 先叫全部資料都唔係去我度
十萬個快
就算快遞唔係你負責送 循例幫客追下睇下都要架?
真係收左錢就死人都唔理

2.冷靜下...好
其實好耐之前都已經知道同級的人都唔鐘意CWY
有好幾個都會咁樣直接同我講 雖然佢地知我同佢fd
曾經作為佢好FD的朋友 知道都係感覺怪怪地
近日又有人問起
果種...同大家唔認同的人做fd的感覺係有d無奈
唔了解之下我都會唔鐘意呢種人
但 某程度上都係了解之下先會明呢種"港女"之所以有呢樣缺點
係因為某d原因
雖然 我依家都唔再同佢fd了 畢業了就咩關係都冇 呢樣我都預左

3.香港高官 的確越黎越差
好膚淺咁睇都睇得出
諗下 當年梁錦松偷步買車喳 都要衰衰地落台
諗下 依家個個潛建偷步賣樓之如此類 冇一個肯落台
擺明車馬厚著臉皮 寧願惡名昭彰都要留係度享受高人工
其實不如叫番梁錦松黎做丫?

4.近日有一宗令我極為悲慟的新聞
就是澳洲電台為惡作劇 致電到凱特入住的醫院 扮成英女皇以套取有關消息
卻令 那個因誤信他們而失職的護士 自殺死了
有什麼比這個更大的惡作劇 一個使死亡發生的惡作劇
當然 護士不應該因此等事自殺  畢竟錯的不是她
當然 有誰想到會有人因這個惡作劇而自殺?
但 今日即使她沒有自殺 難保她會被辭退 被醫界封殺 之如此類?
電台主持...究竟為了這件事 有多後悔?有多傷痛?
假如那是我...真不堪設想...是悲劇之極...
我們做每件事之前 有沒有想到往後的牽連 又有沒有 我們想也想不到的牽連
我想起 九把刀的一本小說 就是說因果 整個劇情發展緊密得嚇人
因果 真的很嚇人

來和去

這個月 發生很多事
有新生命誕生 也有生命終結的時候
姊夫的父親突然去世了...
婆婆又去世了...
雖說兩位老人家都是我接觸不多的
但還是令人不禁感嘆...仿佛又重新引起我對死亡的恐懼
孝順這回事 真的要趁早 這是真的

然而 姐姐的嬰兒出世又值得歡喜的
今天我們看著嬰兒的影片
她眼神流露著母親的喜悅
看著弱小得很 頭兒比手掌還要小的人兒
還是會令我很期待自己未來的家庭是怎麼樣的
(ANYWAY 出到POOL才算吧- -")

to be, or not to be

這一個月
心情好亂 好煩 好惆悵
幾乎有一半時間 都在想讀書的事

今日 我又進入了久違的文字、影像和畫像的藝術世界
內心每讚嘆一次 就倍感愁苦
因為 這等美好的事...在我進入了科學的世界後 就離我遠去

我一直細看創作者的履歷
他們沒有哪個是一開始就成為大學生
他們總擁有數個不同學院的學歷
由高級文憑再攻讀學士
或者真正的藝術家是需要歷煉
真正的藝術家是不會因為缺少了學士學歷而不能出身
真正的藝術家 才不會被社會淹沒
因此...我想...即使我為了追求理想 花多少少時間轉系又有何問題?

然後...到底我是否一個藝術家?
一個從事劇本創作的藝術家?
會不會...其實我只是執著於一個我想做 但做不來的理想?
其實...最終我只是個平凡人?一事無成...然後...頹廢地再從事那個本應屬於我的科學世界?

我對科學 對電影 對電視 都沒有終極的熱愛
如果有 就不用困在選擇的問題上
因為沒有終極熱愛
所以我怕失敗
怕自己原來是個普通人
怕自己放手而抓一些不屬於自己的事物
然後 一無所獲
然後 自己化作一團空氣

究竟 有沒有人可以成為我的明燈
神 又會否回答我


(噢 好久沒有打這樣認真的文章)
---------------------------------------------------------------------------------------------
原來 沒有得到你回應我信息的 不止我一個
原來 我不是被你討厭了
應該 我們還是好好好好好的朋友...
那 我就心足了 內心的洞痊癒了

枯萎了的...

這兩天 又有點煩惱和不快

好想好想找你傾訴

但一想到早兩天你竟然第一次不回覆我的信息

就有莫名的心痛和失望

我怕我再次失望...

原來......做對一輩子的朋友都這麼難

原來......這些事我只想對你傾訴 

對別的人根本提不起精神說

好像只有從你的安慰上才能支取能量
怎麼認識才短短幾個月 你已成為我的一部份...

這幾天 

我枯萎了

內心的一團火！

由現在開始，我決定以後有新的故事概念就記下來。
其實，我的新意念無窮無盡，久不久就彈出來，每天可能有好幾個，
但總不打算做個筆記。。。
因為好像好土
而我又不大有機會將它們實踐（除非我可以讀電影，然後做個人作品）

不過。。。昨日和生談了好一陣子
還是要做些什麼。。。才能加大自己內心的火熱
誰說我永遠沒有機會把它們實踐？
總之
我應該把握現在　做想做的事
ＥＶＥＮ我不能讀電影　仍可寫劇本
更何況。。。我可能真的會轉系
重讀一年。。。又有什麼可怕！

吼！！某些香港人的嘴真是賤極了！

絕食行動是否激進行為...難以下定論
是，因為絕食是傷害自身的行為
否，因為絕食是不與別人正面衝擊的行為
但無論絕食是否激進，至少還是值得全港七百萬人致敬的
自己作為學生，雖然同樣反對，卻不會走上街，不會參與絕食
很大程度上。。。是因為我一向認為中共要做的事　無人可阻止
中共要推行，就算屠城也要實行到底
當然只是消極之餘又不符合政治原則的ＭＩＮＤＳＥＴ
儘管我冷感　也會尊重這幾位拚死一戰的後輩
然而　在面書上多難聽的說話都會出現
不少大人竟敢質疑這一群學生的所作所為是不經大腦
毫無意義　甚至是＂讀屎片＂的行為。。。
真是可怒也
學生是國民教育的真正用家　是最有資格發聲　最應該備受重視的一群人
他們出來為自己抗爭是最值得鼓勵和尊重的行為
你們這群大人已經不為他們說些什麼　還有什麼資格說人家出來做些什麼什麼的都是錯？

如果通識教育科所教的公民抗爭　政治參與　批判性思考都是對的
那他們只不過是實踐了這些應有的概念和盡自己應有的責任
就不是你們所說的。。。做出過份的事　不成熟的行為　和不經大腦了吧
ＡＴ　ＬＥＡＳＴ。。。他們的絕食是有限期　有人接力啊！

香港人說話　很多時候有夠毒的　但許多人還是毒在罵政客而已　而且還準確喔
而不應該毒在　打擊勇士的心靈和踐踏他們的作為

不過有一刻。。。我是有想到。。。他們這個暑假的功課應該難以ＫＯ吧。。。
作為班主任應該消失他們的份兒。。。

...完啦 拖左一個月GE約會

好耐...都冇咁樣同朋友直接嘈過
我明我敏感 我多心
但
我GE感受依然係真確
唔好諗住係我傷心完 失望晒 同我解釋番...就可以冇事
就算最後證明我諗多左
但我已經失望盡晒 唔開心GE QUOTA都用盡...
請你係一開始 就唔好令我咁樣...
對我黎講
原則係最緊要
朋友GE承諾係好重要
我每次走數都有種怯疚 都會唔好意思...因為我違背緊原則
但你(地)呢...?
當你可以完全當我冇到 當承諾唔係一回事 冇理過我感受GE時候
無論係我諗多左 定係誤解左你走數GE原因...你都係錯
因為前提係 走數已經係唔岩
你地呢D人...梗唔會明我諗咩...梗又覺得我問題...
ANYWAY
呢個約會 去到最尾就算成功 都唔會開心
咁咪算囉...
而我 亦唔會再想同你(地)有任何COMMITMENT...